काठमाडौं । प्रधानमन्त्री केपी ओलीले गोप्य रुपमा भारतीय गुप्तचर संस्था रिसर्च एण्ड एनालाइसिस विङ (रअ) का प्रमुख सामन्तकुमार गोयलले भेटेको पुष्टि भएको छ । रअ प्रमुख गोयलसँग प्रधानमन्त्रीले शिष्टाचार भेटवार्ता गरेको जानकारी प्रेस सल्लाहकार सूर्य थापाले जारी गरेको ‘प्रेस नोट’मा उल्लेख छ । ‘भेटको लागि बुधबार बेलुका प्रधानमन्त्रीको सरकारी निवास बालुवाटार आउनुभएको थियो,’ थापाले भनेका छन्,‘भेटका क्रममा गोयलले नेपाल–भारतबीचको मैत्री सम्बन्ध खल्बलिन नदिने, समस्याहरूको वार्ताद्वारा समाधान गर्ने र पारस्परिक सहयोगलाई निरन्तर अगाडि बढाउने बिषयमा आफ्नो धारणा राख्नु भयो ।’