नेपालवाच । नेपालमा थप दुई हजार ९ सय ३३ मा कोरोना संक्रमण पुष्टि हुँदा पछिल्लो २४ घण्टामा २४ जनाको मृत्यु भएको छ । पछिल्लो २४ घण्टामा १३ हजार चार सय ४६ जनाले पिसिआर परीक्षण गराएकोमा दुई हजार नौ सय ३३ मा कोरोना संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या एक लाख ७६ हजार पाँच सय रहेको छ । कोभिड–१९ संक्रमण हुनेमा ६७ प्रतिशत पुरुष र ३३ प्रतिशत महिला रहेका छन् । त्यस्तै, विगत २४ घण्टामा कोरोना संक्रमण निको हुनेको संख्या तीन हजार एक सय ५० रहेको छ । कोरोना संक्रमणकै कारण देशभर थप २४ जनाले ज्यान गुमाएका छन् भने ७४ जना भेन्टिलेटरमा रहेका छन् । त्यस्तै, आईसीयुमा रहनेको संख्या तीन सय ४७ रहेको छ । नेपालमा कोभिड–१९ सुरु भएयता कोरोना संक्रमणका कारण ज्यान गुमाउनेको संख्या नौ सय ८४ पुगेको छ । गत २४ घण्टामा काठमाडौ उपत्यकामा थप एक हजार छ सय ३० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । संक्रमित हुनेमा नौ सय २८ पुरुष तथा सात सय दुई महिला रहेका छन् ।