नेपाली सेनाको प्रधानसेनापति पूर्णचन्द्र थापाको औपचारिक निमन्त्रणामा भारतीय सेनाध्यक्ष नरवणे नेपाली सेनाको मानार्थ महारथी दर्जा ग्रहण गर्न बुधवार नेपाल आएका थिए । बिहीबार राष्टपति निवास शितल निवासमा आयोजना भएको विशेष समारोहमा सेनाध्यक्ष नरवणेले नेपाली सेनाको मानार्थ महारथी दर्जा लिए । विहिबार नै नरवणेले दुई वटा घुम्ती अस्पताल सञ्चालन गर्न आवश्यक चार एम्बुलेन्स, चार भेन्टिेलरसहितका स्वास्थ्य सामग्री एवं उपकरण नेपाली सेनालाई हस्तान्तरण गरे । बुधबार वसन्तपुर क्षेत्र र पशुपतिनाथको दर्शन गरे । बिहिबार समकक्षी थापा र सेनाध्यक्ष नरवणेबीच भेट भयो । भेटमा उनीहरुवीच आपसी सुरक्षा चासोका विषयमा छलफल भएको नेपाली सेनाले जनाएको छ । नेपाली सेनाका अनुसार छलफलमा दुवै सेनाबीच उच्चस्तरीय भ्रमण र तालीमलगायत अन्य सहयोगका क्षेत्र थप विस्तार गर्दै जान समकक्षी थापा र सेनाध्यक्ष नरवणे सहमत भएका छन् । नरवणेले शुक्रबार प्रधानमन्त्री केपी शर्मा ओलीसँग शिष्टाचार भेट गरे । उनले शुक्रबार शिवपुरीस्थित सैनिक कमाण्ड कलेजमा शिक्षार्थीसँग आफ्नो सैनिक जीवनको अनुभव सुनाए । र हवाइजहाजबाट हिमालय क्षेत्रको दृश्यावलोकन गरे ।