काठमाडौं । कतारका राजकुमार शेख महोम्मद विन अबदुल्ल्लाहले आज अमादब्लम हिमालको आरोहण गरेका छन् । राजकुमारसहितको १४ सदस्यीय टोलीले हिमाल आरोहण गरेको हो । उक्त टोलीको हिमाल आरोहणको व्यवस्थापन हिमालय गाइड्स नेपालले गरेको थियो । संस्थाका निर्देशक उमिद भण्डारीले राजकुमारको सरल व्यक्तित्वका कारण आरोहण व्यवस्थापन सहज भएको बताए । बुधवार विहान ११ः२० मा आरोहण गरेपछि उक्त टोली क्याम्प १ मा फर्किने क्रममा छन् । खुम्बु क्षेत्रमा पर्ने यो हिमालको उचाई ६ हजार आठ सय १२ मिटर छ ।