NepalWatch

News Portal For Eeverything In Nepal from Nepal

२०७९ मंसिर १५ गते

फेरि सरकारले सुकुम्बासीलाई जग्गा बाँड्ने, आयोगले काम थाल्यो

काठमाडौं ।भूमिहिन, सुकुम्बासीलाई जग्गा बाँड्न नेपाल सरकारले गठन गरेको भूमि सम्बन्धी समस्या समाधान आयोगले काम सुरु गरेको छ । भूमिहिनलाई जग्गा वाड्न सरकारले देवी ज्ञवालीको अध्यक्षतामा भूमि सम्बन्धी समस्या समाधान आयोग गठन गरेको थियो । ज्ञवाली नेकपा कार्यकारी अध्यक्ष पुष्पकमल दाहालकी छोरी रेणु दाहालकी भरतपुर महानगरपालिकाकाे चुनावी प्रतिस्पर्धी हुन् । आयोगले पहिलो चरणमा देशभर रहेका ७ सय ५३ स्थानीय तहमध्ये १ सय वटा स्थानीय तहमा आयोगको काम अगाडि बढाउने छ । भूमी व्यवस्था, सहकारी तथा गरिबी निवारण मन्त्री पद्माकुमारी अर्यालले आयोगले काम गर्दा निम्नस्तरको वर्ग प्राथमिकतामा राख्न निर्देशन दिएकी छिन् । ‘हामी एकदमै संवेदनशिल काम गर्न गइरहेका छौ । इतिहासले हामीलाई महत्वपूर्ण जिम्मेवारी दिएको छ । हामी भाग्यमानी छौँ की हामीलाई यो सुवर्ण अवसर मिलेको छ,’ मन्त्री अर्यालले भनिन्, ‘यो आफन्त वा त्यो आफन्त नभनेर जो लक्षित वर्ग हो त्यसका निम्ति काम गर्नुस् । कसैलाई पनि विभेद नगरियोस ।’ आयोगले स्थानीय तहसँग मिलेर काम अघि बढाउने छ । केही स्थानीय तहसँग आयोगले सम्झौता पनि गरिसकेको छ । एक टुक्रा पनि जमिन नभएका भूमिहिन, सुकुम्वासी वर्गलाई पहिलो प्राथमिकतामा राखेर काम अगाडी बढाउन स्थानीय तहका जनप्रतिनिधिहरुलाई मन्त्री अर्यालको आग्रह छ । ‘हामी एकदमै संवेदनशिल काम गर्न गइरहेका छौ । इतिहासले हामीलाई महत्वपूर्ण जिम्मेवारी दिएको छ । हामी भाग्यमानी छौ की हामीलाई यो सुवर्ण अवसर मिलेको छ’, मन्त्री अर्यालले भनिन्, ‘यो आफन्त वा त्यो आफन्त नभनेर जो लक्षित वर्ग हो त्यसका निम्ति काम गर्नुस् । कसैलाई पनि विभेद नगरियोस ।’ भूमिहिनलाई जग्गा उपलब्ध गराउने महत्वपूर्ण जिम्मेवारी पुरा गर्न स्थानीय तहको ठूलो जिम्मेवारी रहने भन्दै मन्त्री अर्यालले आयोग र स्थानीय सरकारको समन्वय र सहकार्य बढी महत्वपूर्ण हुने बताइन् ।