काठमाडौं । नेकपा सचिवालय बैठक सम्पन्न भएको छ । आगामी ३ मंसिरमा बस्नेगरी आजको बैठक सकिएको प्रवक्ता नारायणकाजी श्रेष्ठले जानकारी दिए । विवादका बीच प्रधानमन्त्री निवास बालुवाटारमा शुक्रबार बसेको सचिवालय बैठक बिना कुनै निर्णय स्थगित भएको हो । दुवै अध्यक्षले एक अर्कामा दिएको पत्र र अन्तर पार्टी निर्देशिका समेत पढेर आउने गरी अर्को बैठक बस्ने भएको हो । प्रधानमन्त्रीको सरकारी निवास बालुवाटारमा सुरु सचिवालय बैठकमा सबै सदस्य उपस्थित थिए । लामो समयसम्म बैठक बोलाउने विषयमा विवाद कायम रहेका बृला नेकपामा दुई अध्यक्षबीच पछिल्लो समय ‘पत्रयुद्ध’ नै भएको थियो । यस बैठक नेकपा विभाजन वा जुट को संघारमा रहेकाले पनि सचिवालय बैठकलाई निकै महत्वका साथ हेरिएको थियो ।