NepalWatch

News Portal For Eeverything In Nepal from Nepal

२०७९ असार १३ गते

आइपिएल खेल्न नपाएका सन्दीपलाई अष्ट्रेलियाको सम्मान : बिगब्यासमा नयाँ टिम

काठमाडौं । अघिल्ला दुई संस्करणमा मौका पाए पनि नेपालका लेग स्पीनर सन्दीप लामिछानेले आइपिएलमा यसपटक कुनै पनि खेलमा मौका पाएका थिएनन् । उनको टिम दिल्लीले फाइनल खेल्दासम्म सन्दीपलाई एउटा खेलमा पनि सहभागी गराइएन । तर, अघिल्लोपटक अष्ट्रलियाको बिगब्यास, क्यारेवियनको सिपिएलमा राम्रो प्रदर्शन गरेका थिए । आइपिएलमा खेल्न नपाए पनि अष्ट्रलियाको बिगब्यासमा भने सन्दीप छनोट भएका छन् । अघिल्लोपटक मेलबर्न स्टारबाट खेलेका सन्दीप यसपटक होबर्ट हुरिकेन्सबाट खेल्ने भएका छन् । क्लबले सामाजिक संजालमार्फत सन्दीपले टिमबाट खेल्ने जानकारी गराएको हो । यो प्रतियोगिता आगामी डिसेम्बर १० देखि हुँदैछ । अघिल्ला दुई सिजनमा अष्ट्रलियामा २० खेल खेल्दा सन्दीपले २६ विकेट लिएर प्रभावकारी प्रदर्शन गरेका थिए ।