NepalWatch

News Portal For Eeverything In Nepal from Nepal

२०८० चैत १६ गते

बालुवाटार र शीतलनिवास नेकपाकाे पार्टी कार्यालय !

कांग्रेस नेता नैनसिंह महरले सत्तारुढ नेकपाका कार्यकारी अध्यक्ष प्रचण्डले पेस गरेको राजनीतिक प्रस्तावको प्रधानमन्त्री केपी शर्मा ओलीले जनताको अदालतमा उभिएर स्पष्ट जवाफ दिनुपर्ने बताएका छन्। कांग्रेस महासमिति सदस्य एवं नेविसंघका पूर्व अध्यक्षसमेत रहेका नेता महरले पोखरा विमानस्थलमा सञ्चारकर्मीहरूसँग बोल्दै ‘ओली प्रवृत्ति’ राष्ट्र र स्वयं नेकपाकै लागि घातक भएको आरोप लगाए । ‘नेकपाले बालुवाटार र शीतलनिवासलाई पार्टी कार्यालय जस्तै बनाएको छ। राष्ट्रपति पनि नेकपाको कार्यकर्ता जस्तो देखिनु भएको छ’ उनले भने, ‘जसले पदीय मर्यादामाथि नै प्रश्न उठिरहेको छ उहाँलाई म पदीय मर्यादा कायम राख्न आग्रह गर्छु।’ उनले नेकपालाई चीन र भारतले चलाइरहेको योजना र लक्ष्यविहीन पार्टी भएको बताए। चिनियाँ राजदूतको सक्रियता र क्रियाकलाप, भारतीय ‘र’ प्रमुखको क्रियाकलापले पनि सरकारको तालाचावी बाहिरै रहेको प्रस्ट भएको नेता महरको आरोप छ। उनले सरकारलाई देश र जनतामाथि गद्दारी नगर्न आग्रह गरेका छन्। ‘कम्युनिस्ट सरकार कोरोना महामारी नियन्त्रणमा चुकिसकेको छ। मल नपाएर छटपटाइरहेका किसानमा खेतमा देखिन छोडिसकेको छन्’, उनले भने, ‘सरकार अहिले चिनियाँ दुतावास, शीतल निवासतिर मात्रै झुल्किने गरेको छ। जसले देश र जनतालाई घातक मोडमा लैजाने छ।’ उनले प्रधानमन्त्री ओलीलाई बेलैमा सच्चिन चेतावनी दिएका छन्। पार्टीभित्रैबाट चर्को विरोध हुँदा पनि कुर्सीमा टासिरहनु ओलीकै लागि लज्जाको विषय भएको उनको तर्क छ।

ताजा अपडेट

नेपालवाच विशेष