NepalWatch

News Portal For Eeverything In Nepal from Nepal

२०७९ जेठ ८ गते

ओखर खेतीमा आकर्षित हुँदै किसान

राम्रो आम्दानी हुन थालेपछि जुम्लाका किसान ओखरखेतीप्रति आकर्षित हुँदै गएका छन् । जिल्लामा ओखर भण्डारण गर्न समस्या नभएको र हावापानी निकै अनुकूल हुँदा उनीहरूका लागि राम्रो आम्दानीको स्रोत बनेको हो । चन्दननाथ नगरपालिका–८ का कालीबहादुर भण्डारीले ओखरखेतीबाट मनग्ये आम्दानी हुने बताए । तिला गाउँपालिका–१ का रमा बुढाले आफूहरू व्यावसायिकरुपमा ओखरखेतीमा लागेको र आयआर्जन समेत वृद्धि गरेको बताए । उनले भने, ‘स्थानीय सरकारले किसानका लागि राहत हुने गरी काम गर्नुपर्छ र अनुदानको व्यवस्था मिलाउनु पर्छ ।’ आगामी वर्ष ओखर बेचेर रु दुई लाखसम्म कमाउन सक्ने गरी बगँैचा व्यवस्थापनमा आफूहरू जुटेको हरिकला रोकायाले जानकारी दिए । शुरुको चरणमा हुुर्काउन दुःख हुने गरेको छ । पछि हुर्केपछि ओखरमा खासै दुःख नहुने त्यहाँका किसान बताउँछन् । कम मेहनतमा बढी आयआर्जनमा सहयोग पुग्ने खेती ओखर भएको किसानको अनुभव छ । खरिद गर्न व्यापारी गाउँमै आउने गरेका छन् । त्यहाँका आठवटै स्थानीय तहमा ओखर खेती हुँदै आएको छ । एकै बोटमा रु पाँच हजारसम्मको ओखर फल्ने गरेको उनीहरुको भनाइ छ । अहिले खलङ्गा बजारका विभिन्न चोकमा ओखर बेच्ने किसानको भीडभाड हुने गरेको छ । जिल्ला कृषि विकास कार्यालयका प्रमुख बालकराम देवकोटाले ओखरखेती गर्नेको सङ्ख्या जिल्लामा बढेको जानकारी दिए । कार्यालयका अनुुसार जिल्लामा १९० हेक्टरमा ओखरखेती हुने गरेको छ ।उनले भने, ‘एक वर्षमा १५ टनसम्म ओखर फल्ने गरेको छ । अधिकांश किसानले ओखर कोसेलीघरमा पुगेर प्याकेजिङ गरी बिक्री गर्ने गरेका छन् ।’ बजारमा अहिले ओखरको मूल्य प्रतिदाना रु १० का दरले बिक्री हुने गरेको धिताल अर्गानी पसलका सञ्चालक टीकाराज धितालले जानकारी दिए । काठमाडाँै, पोखरा, नेपालगञ्ज सुर्खेतलगायतका जैविक पसलमा त्यहाँको ओखर खपत हुने गरेको छ । मागअनुसार त्यहाँका किसानले सहजै पु¥याउन भने सकेका छैैनन् । तीन रोपनी जग्गा एकै क्लष्टरमा भएका किसानको समूह बनाएर बिरुवा, काँटछाट, रोगकिरा नियन्त्रण र सिँचाइका क्रियाकलाप उपलब्ध गराइएकोे कार्यालयले जनाएको छ । ओखर बेचेर जिल्लामा करोडभन्दा बढी भित्र्याउने गरिएको कोसेली घरकासञ्चालक गोविन्द आचार्यले जानकारी दिए । त्यहाँ आउने आन्तरिक तथा बाह्य पर्यटकको एकमात्र रोजाइ ओखर हुने गरेको छ ।

ताजा अपडेट

नेपालवाच विशेष