NepalWatch

News Portal For Eeverything In Nepal from Nepal

२०७९ असार १३ गते

भारतमा देखियो रहस्यमयी रोग, विरामीको रगतमा भेटियो सिसा

कोरोना महामारीकाबीच भारतको आन्ध्र प्रदेशमा भर्ना भएका विरामीहरुको रगतमा ‘लिड तथा निकल’ (सिसा) जस्ता तत्व पाइएको भारतीय स्वास्थ्य अधिकारीहरुले जनाएका छन् । अखिल भारतीय आयुर्विज्ञान संस्थान (एम्स, राज्य तथा केन्द्रिय संस्थानको विशेषज्ञ टोलीले गरेको रगतको नमुना परीक्षणबाट आएको नतिजाको आधारमा विरामीको रगतमा लिड तथा निकल जस्ता भारी तत्व पाइएको अधिकारीले बताएका हुन् । भारतको आन्ध प्र्रदेशको एलुरु शहरमा मंगलबार फैलिएको रहस्मयी रोगका कारण हालसम्म पाँच भन्दा बढी मानिस विरामी भइसकेका छन् । शनिवार रातीदेखि मानिसहरुमा छिनमा बेहाश हुने र छिनमा होस आउने छारे रोगको जस्तो लक्षण देखिने, डर लाग्ने, वान्ता हुने, ढाड दुख्ने जस्ता समस्या देखिएको थियो । सोही समस्याका कारण अस्पताल भर्ती हुने विरामीको संख्यामा वृद्धि भएपछि त्यहाँका स्वास्थ्य अधिकारीहरुद्धारा विरामीको रगतको नमुना परीक्षण गरिएको थियो । नमुना परीक्षणका क्रममा विरामीको रगतमा लिड तथा निकलको अवशेष भेटिएको अधिकारीहरुले बताएका छन् । आन्ध्र प्रदेशका स्वास्थ्य राज्यमन्त्री ए के कृष्णा श्रीनिवासका अनुसार यस रोगबाट संक्रमित ५ सय १० मध्ये चार सय ३० जनालाई अस्पतालले डिस्चार्ज गरिसकेको छ भने रोगका कारण हालसम्म कसैको मृत्यु भएको छैन । अखिल भारतीय आर्युर्विज्ञान संस्थान (एम्स), दिल्लीको टीमले यस रहस्यमय रोगको जाँच गरेका थिए भने राष्ट्रिय पोषण संस्थान (एनआईएम)को टिमले पानी, खाने तेल तथा चामलको नमुना संकलन गरेको थियो । जाँचको प्रारम्भिक नतिजामा विरामीहरुको रगतमा सिसा फेला परेको हो । एनआईएनका एक वैज्ञानिकले भने, ‘यदि यो पानी वा वायुसित सम्बन्धित हुन्थ्यो भने एक विशेष क्षेत्रको मानिसमात्र प्रभावित हुन्थे । यस रहस्यमयी रोगबाट लगभग पूरा एलेरु शहर नै प्रभावित छ । धेरैजस्तो अवस्थामा परिवारका एक सदस्यमात्र प्रभावित भएको पाइएको छ । जुन आश्चर्यजनक छ ।’ एलेरुका सरकारी अस्पतालका चिकित्सक डा. ए एस रामले अधिकांश विरामीमा छारे रोगमा जस्तो लक्षण परेको बताए । केहीले भने टाउकोमा सामान्य चोट लागेको, आँखामा कालोपन जस्ता लक्षण भएको बताएका थिए । केही भने अचानकै बेहोश भएका थिए । केहीले भने छारे रोगको दौरा पश्चात्त ग्याष्ट्रिक भएको तथा पेट दुखेको बताएका थिए । डाक्टर रामले बताए अनुसार हाल विरामीको संख्यामा कमी आइरहेको छ । उनले भने,‘मंगलबारका दिन धेरै विरामी आएनन् । अब डिस्चार्ज हुनेको संख्या पनि बढिरहेको छ ।दुई –तीन घण्टाभित्रमै विरामीहरुले घर जान पाइरहेका छन् । ’ यसैबीच, मुख्यमन्त्री वाई एस जगन मोहन रेड्डीले विरामीको रगतमा पाइएको लिड र निकल प्रभावित क्षेत्र तथा मानव शरीरमा कसरी पुग्यो भन्ने विषयमा जाँच गर्न आदेश दिएका छन् ।