NepalWatch

News Portal For Eeverything In Nepal from Nepal

२०७९ जेठ १० गते

पोखरेललाई एआइजी बनाउने निर्णय स्थगित गर्न संसदीय समितिको निर्देशन

काठमाडौं । प्रतिनिधि सभाको राज्य व्यवस्था तथा सुशासन समितिले प्रहरी अतिरिक्त महानिरीक्षक (एआईजी)को दरबन्दी थप गर्ने मन्त्रिपरिषद्को निर्णय कार्यान्वयन नगर्न निर्देशन दिएको छ । समितिको बुधबार सिंहदरबारमा बसेको बैठकले गृह मन्त्रालयबाट प्रस्ताव नै नगई फरक ठाउँबाट प्रस्ताव आएकोले कानून अनुसार भएपनि विधि नमिलेको भन्दै कार्यान्वयन नगर्न निर्देशन दिएको हो । समितिको बैठकका निर्णय सुनाउँदै समिति सभापति शशि श्रेष्ठले यस्तो निर्देशन दिएकी हुन् । ‘अहिले जुन एआईजीको पद र सिफारिस पनि नभएको र गृह मन्त्रालयबाट प्रस्ताव पनि नलगिकन गएको कुराहरु भएकोले यसले विधि भत्काउने गर्छ’ उनले भनिन्, ंत्यो एउटा ठाउँको विधि भत्किने होइन समग्रलाई नै असर गर्छ भन्ने हिसाबबाट यसलाई अहिले कार्यान्वयन नगर्नका लागि, स्थगत गर्नका लागि निर्देशन जारी गर्छ ।’ समितिको बैठकमा अधिकांश सांसदहरुले गलत विधिबाट निर्णय भएको भन्दै खारेज गर्न निर्देशन दिनुपर्ने बताएपछि कार्यान्वन गर्न समितिले निर्देशन दिएको हो । विश्वराज पोखरेललाई एआइजी बनाउन सरकारले निर्णय गरेपछि समितिले निर्णय स्थगन गर्न निर्देशन दिएको हो । समितिमा उपस्थित भएका गृहमन्त्री रामबहादुर थापाले समितिले निर्णयलाई मान्ने बताए ।

ताजा अपडेट

नेपालवाच विशेष