NepalWatch

News Portal For Eeverything In Nepal from Nepal

२०८० चैत १६ गते

थप ९३६ जनामा कोरोना संक्रमण पुष्टि, १४ को मृत्यु

काठमाडौं । पछिल्लो २४ घण्टाको तथ्यांक अनुसार नेपालमा कोरोनाबाट सक्रिय संक्रमित हुनेको संख्या नौ हजार आठ सय ८१ रहेको छ । आइसोलेसनमा रहनेको संख्या नौ हजार आठ सय ८१ रहेको छ भने क्वारेन्टाइनमा रहनेको संख्या चार सय ५७ रहेको छ । कोरोना भाइरसबाट हालसम्म संक्रमित हुनेको कुल संख्या दुई लाख ५० हजार एक सय ८० पुगेको छ । नेपालमा हालसम्म १८ लाख ४३ हजार पाँच सय ८१ जनाको पिसिआर परीक्षण भइसकेको छ । कोरोना संक्रमणकै कारण पछिल्लो २४ घण्टामा देशभर थप १४ जनाले ज्यान गुमाएका छन् । नेपालमा कोभिड–१९ सुरु भएयता कोरोना संक्रमणका कारण ज्यान गुमाउनेको संख्या एक हजार सात सय ३० पुगेको छ । नेपालमा पछिल्लो २४ घण्टामा कोरोना संक्रमण भई निको हुनेको संख्या एक हजार नौ सय ९६ रहेको छ । योसँगै नेपालमा कोरोना संक्रमण भई निको हुनेको संख्या दुई लाख ३८ हजार पाँच सय ६९ रहेको छ ।

ताजा अपडेट

नेपालवाच विशेष