बोरिसले भारतमा जेसिबी कारखाना उद्घाटन गरेपछि सामाजिक सञ्जालमा हंगामा
नयाँ दिल्ली । बेलायती प्रधानमन्त्री बोरिस जोनसन भारतको दुई दिने भ्रमणमा बिहीबार गुजरात पुगेका छन् । यसअघि पनि बेलायती प्रधानमन्त्रीको भारत भ्रमण दुईपटक स्थगित भइसकेको थियो र यो भ्रमणको धेरै प्रतिक्षा गरिएको थियो ।
रुसले युक्रेनमा गरेको आक्रमणका कारण भारतमाथि पश्चिमा राष्ट्रको दबाब र कैयौं आन्तरिक मामिलामा भारतभित्रै हलचल मच्चिएको बेला बोरिस जोनसन यसपटक भारत पुगेका हुन् ।
२१ अप्रिलमा बोरिस जोन्सन भारत पुगे र १६ अप्रिलमा दिल्लीको जहांगीरपुरीमा साम्प्रदायिक झडप भयो । यसपछि जहांगीरपुरीमा नै भाजपा शासित दिल्ली नगर निगमले ‘अवैध निर्माणविरुद्ध अतिक्रमण हटाओ अभियान’ सुरु गरेको थियो । यो अभियानमा बुलडोजर प्रयोग गरिएको थियो ।
यसअघि पनि बिजेपीशासित मध्य प्रदेशमा साम्प्रदायिक झडप भएको थियो र यहाँ पनि प्रशासनले दोषी प्रमाणित नगरी अभियुक्तको घरमा बुलडोजर लगाएको थियो ।
What a bulldozer of an irony! British PM @BorisJohnson will inaugurate the JCB plant in Halol that will manufacture bulldozers on a day when Supreme Court is taking cognisance of the constitutional limits of the administration’s use of the machine. #jahagirpuri
— sanjay kapoor (@sanjaykpr) April 21, 2022
भारतीय सञ्चारमाध्यममा सरकारी बुलडोजरको बहस चर्किरहेको बेला बेलायती प्रधानमन्त्रीले बिहीबार गुजरातको बडोदरा नजिकैको हलोल औद्योगिक क्षेत्रमा एउटा जेसीबी कारखानाको उद्घाटन गरेका हुन् । यस उद्घाटनका क्रममा बेलायती प्रधानमन्त्रीको तस्बिर सामाजिक सञ्जालमा निकै भाइरल भइरहेको छ ।
यो तस्बिरमा बोरिस जोनसन जेसिबि ड्राइभर सिटमा बसेका छन् । बेलायती प्रधानमन्त्रीको यो तस्बिर भारतको सामाजिक सञ्जालमा मात्र नभई बेलायतका मिडिया र सामाजिक सञ्जालमा पनि बहस भइरहेको छ ।
बेलायतको प्रमुख पत्रिका द इन्डिपेन्डेन्टले आफ्नो रिपोर्टमा बेलायती प्रधानमन्त्री भारत पुग्दा दिल्लीको मुस्लिम बाहुल्य क्षेत्रमा जेसिबीले घर र पसल भत्काएको उल्लेख गरेको छ ।
जहांगीरपुरीमा जेसिबी मेसिनले घर र पसल भत्काउने कार्यलाई पनि साम्प्रदायिक हिंसासँग जोडिएको छ तर दिल्ली प्रशासनले यसलाई अस्वीकार गरेको छ। तर यसैबीच जेसिबीमा बसेका बेलायती प्रधानमन्त्रीको तस्बिरलाई लिएर उनले जेसिबी कारखानामा जानका लागि दुर्भाग्यपूर्ण समय रोजेको बताइएको छ ।
My message to @BorisJohnson on his visit to India is that our nation’s foreign relations must not just be based on trade & internationalism but also on human rights.
My plea to the @10DowningStreet is to raise the growing issue of Islamophobia with the Modi Government. (1) 🧵
— Naz Shah MP 💙 (@NazShahBfd) April 21, 2022
मानवअधिकारका लागि काम गर्ने संस्था एम्नेस्टी इन्डियाले पनि ट्वीट गर्दै बेलायती प्रधानमन्त्रीलाई निशाना बनाएको छ ।
एम्नेस्टी इन्डियाले आफ्नो ट्वीटमा भनेको छ, ‘एकतिर उत्तर पश्चिम दिल्लीको जहांगीरपुरीमा मुस्लिम घर र पसलमा जेसीबी बुलडोजरले तोडफोड गरेको छ र अर्कोतिर बेलायतका प्रधानमन्त्रीले गुजरातमा जेसिबी कारखानाको उद्घाटन गरे, यो उपेक्षा मात्र नभएर तर त्यस महत्वपूर्ण घटनामा उनको मौनता पनि हो ।’
In the backdrop of Municipal Corporation of Delhi using JCB bulldozers to raze down shops of Muslims in Northwest Delhi’s Jahangirpuri yesterday, UK Prime Minister’s inauguration of a JCB factory in Gujarat is not only ignorant but his silence on the incident is deafening.
1/4— Amnesty India (@AIIndia) April 21, 2022
प्रतिक्रिया