काठमाडौं । शनिबार प्रदेश नम्बर १ को भेलामा प्रधानमन्त्री एवं नेकपामा अध्यक्ष केपी ओलीले युवा नेता योगेश भट्टराईलाई ‘केटो’को संज्ञा दिएका थिए । केटोलाई चुनाव जिताएर मन्त्री बनाए पनि आफूलाई लात्ताले हानेर भागेको आरोप ओलीले लगाएका थिए । त्यसको जवाफ सामाजिक संजालमार्फत् भट्टराईले संयमतापूर्वक कडा जवाफ फर्काएका छन् । ‘केटा र केटीहरुको रगत, पसिना र मेहनतको जगमा खडा भएको व्यवस्थामैं यहाँले कुर्सीप्राप्त गर्नुभएको हो । केटो भनिपाउँदा मलाई दुःख छैन । तपाईंको स्तर थाहा पाएँ खुशी लाग्यो ।’ सामाजिक संजाल फेसबुकमा योगेशले लेखेका छन् । यस्तो भनेका थिए ओलीलेम कुनै बैगुनी केटोकेटीकी कुरा गर्न चाहन्न । तर, हाम्रै प्रदेशमा पनि त्यस्तै देखिएका छन् । दौडि दौडिकन गएर भोट मागेर यो केटोलाई जिताइदिनुस् मन्त्री बनाएर पठाइदिन्छु भनेर मन्त्री पनि बनाइयो । गरियो गरियो एक दिन त पुक्क लात्ताले हानेर भाग्यो । को भनेर हेर्दा त उही केटो । हामी यस्तोमा अल्झिदिनौं । युवाको कमी छैन । अरु युवालाई समेटेर अगाडि बढ्छौं । याे पनि पढ्नुस् को हुन् ओलीलाई लात्ताले हानेर भाग्ने ‘केटो’ !