काठमाडाैं । कांग्रेस नेता रामचन्द्र पौडेलले दमौलीमा बुधबार पुल उद्घाटन जाने क्रममा पुलिसले धरपकड गर्दा आफू घाइते भएको जनाएका छन् । सामाजिक संजालमा लेख्दै पौडेलले पुलिसको डण्डाबाट हिजोभन्दा आज दुखाइ झन् बढेको जनाएका हुन् । गणतन्त्रमा पनि पुलिसको पेलानबाट छुटकारा नमिलेको भन्दै पौडेलले असली लोकतन्त्र कहिले साकार हुने हो भन्दै चिन्ता जनाएका छन् । ‘पुलिसको डण्डाबाट पेलिएका मेरा करङ दिउसो भन्दा साझ दुखेर आयो, हिजो भन्दा आज दुखाइ बढी छ । सात दशकको अथक प्रयासबाट प्राप्त गणतन्त्रमा पनि पुलिस पेलानबाट छुटकारा मिल्न सकेको छैन । असली लोकतन्त्र कहिले साकार हुने हो ? मेरो चिन्ता यसैमा छ ।’ पौडेलले भनेका छन् । तनहुँको व्यास नगरपालिका–१ मा पुल उदघाटन गर्न जाने क्रममा बुधबार प्रहरीले पौडेललाई पक्राउ गरी तीन घण्टा प्रहरी कार्यालयमा राखेर छोडेको थियो । व्यास नगरपालिकामा कांग्रेसले स्थानीय तहको निर्वाचन जितेको थियो । तर, प्रतिनिधिसभा निर्वाचन क्षेत्रमा नेकपाका किसान श्रेष्ठ निर्वाचित भएका थिए । दुई दलले आ–आफ्नो वर्चस्व स्थापित देखाउन खोज्दा बुधबार कफ्र्य नै लगाउनु परेको थियो । बुधबार पुल उद्घाटन कार्यक्रम रोकिए पनि बिहीबार पुल उद्घाटन गर्न जाने तयारीमा पौडेल छन् । यो पनि पढनुस् । पुलिसले पक्राउ गर्दा रामचन्द्र पौडेलको छातीमा चोट, बोल्नलाई समस्या यसरी पक्राउ परे कांग्रेस नेता रामचन्द्र पौडेल (भिडियोसहित)