काठमाडौं । नेकपाका कार्यकारी अध्यक्ष पुष्पकमल दाहाल प्रचण्डको सचिवालयले पार्टीमा पेस भएको राजनीतिक प्रतिवेदन फिर्ता लिने विषयमा कुनै सहमति नभएको प्रष्टिकरण दिएको छ । प्रचण्डको प्रमुख स्वकीय सचिव गंगा दाहालले सरकारले जारी गरेको अध्यादेश र संसदको विशेष अधिवेशन बोलाउन राष्ट्रपति लाई बुझाईएको पत्र फिर्ता गर्नेबाहेक अन्य कुनै पनि सहमति दुई अध्यक्षबीच नभएको बताइन । नेकपा स्थायी समिति सदस्य हरिवोल गजुरेलले पनि दुवै अध्यक्षले पेस गरेको राजनीतिक प्रतिवदेन फिर्ता लिने विषयमा बैठकमा छलफलै नभएको बताए । गजुरेलले भने, ‘पुस ५ गतेका लागि अर्को बैठक बोलाउने निर्णय भएको छ, यसबीचमा दुई अध्यक्षले आपसमा छलफल गर्नुहुन्छ र एउटा निष्कर्ष निकाल्नु होला ।’