काठमाडौं । राष्ट्रिय वाणिज्य बैंकमा खाता खोल्दा नेपाल टेलिकमको सिमकार्ड सित्तैमा पाइने भएको छ । सरकारी स्वामित्वको बाणिज्य बैंकमा खाता खोल्दा फोरजी सिम निशुल्क प्राप्त गर्ने अफर टेलिकमले ल्याएको हो । यस्तो अफरको सिमकार्डमा १० रुपैयाँ ब्यालेन्स, ४० मिनेट भ्वाइस कल, २० वटा एसएमएस र ६० एमबी डाटा निशुल्क प्रयोग गर्न पाइनेछ । टेलिकमले ल्याएको यो अफर बैंकमैं गएर खाता खोल्ने र अनलाइनबाट खाता खोल्नेले पनि प्राप्त गर्ने टेलिकमले जनाएको छ ।