आइतबार सुनको मूल्यमा ४ सयले बृद्धि भएको छ । चैत महिनाको पहिलो दिन नै छापवाला सुन तोलामा ८६ हजार ६ सय मा कारोबार हुने गरी मूल्य निर्धारण गरिएको छ । फागुन २८ गते अर्थात् शुक्रबार छापवाला सुन तोलामा ८६ हजार २०० मा कारोबार भएको थियो । यस्तै तेजाबी सुन आज तोलामा ८६ हजार १५० मा कारोबार हुनेछ । शुक्रबार तेजाबी सुन तोलामा ८५ हजार ७५० मा कारोबार भएको थियो । चाँदीको मूल्य भने स्थिर रहेको छ । चाँदी तोलामा एक हजार २७० मा कारोबार हुने गरी मूल्य निर्धारण भएको नेपाल सुनचाँदी व्यवसायी महासंघले जनाएको छ ।