विराटनगर । प्रदेश १ को सातौं हिउँदे अधिवेशन अन्त्य भएको छ । प्रदेश प्रमुख कार्यालयले विज्ञप्ति जारी गर्दै आइतबार रातको १२ बजेबाट सातौं हिउँदे अधिवेशन अन्त्य भएको जनाएको छ । ‘पदेश १ मन्त्रिपरिषदको सिफारिसमा प्रदेश प्रमुख सोमनाथ अधिकारी (प्यासी) ले संविधानको धारा १८३ को उपधारा २ बमोजिम आइतबार १२ बजेदेखि प्रदेश सभाको सातौं तथा चालू हिउँदे अधिवेशन अन्त्य हुनेछ’, विज्ञप्तिमा उल्लेख छ। आइतबार १ बजे बसेको अन्तिम बैठकमा विशेष समय लिएर मुख्यमन्त्री शेरधन राईले सम्बोधन गर्ने तयारी गरेका थिए । तर, प्रतिपक्षले उठेर विरोध जनाएपछि सभामुख प्रदीपकुमार भण्डारीले प्रदेश प्रमुख कार्यालयबाट प्राप्त पत्र पढेर सुनाएका थिए ।