काठमाडौं । खानेपानी तथा सरसफाईमन्त्री मणि थापाले एक महिनाको तलव कोरोना महामारी नियन्त्रणको लागि दिने भएका छन् । थापाले एक महिनाको तलव प्रकोप व्यवस्थापन कोष प्युठान नगरपालिकालाई पठाउने भएका हुन् । थापाले एक महिनाको तलव महामारीविरुद्ध लगाउने जानकारी नगरपालिकाका मेयर अर्जुनप्रसाद कक्षपतिलाई गराएको जानकारी सामाजिक संजालमार्फत दिएका छन् । महामारीको समयमा आ–आफ्नो स्थानबाट सहयोग गर्न पनि थापाले अपील गरेका छन् । ‘कोरोना माहामारीको यो समयमा हामी सबैले आफूले सकेको एक अर्कालाई मद्दत गरौं । मैले पनि आफ्नो महिनाको तलव प्रकोप व्यवस्थापन कोष प्युठान नगरपालिकामा पठाउने निर्णय गरी यसबारे प्युठान नगरपालिकाका मेयर अर्जुनकुमार कक्षपतिलाई जानकारी गराएको छु ।’ थापाले फेसबुकमा लेखेका छन् ।