शुक्रबार केन्द्रीय सदस्यहरूकाे भेला बोलाउने प्रकाशमान निवास बैठकको निर्णय
काठमाडौं । आशन्न महाधिवेशनमा सभापतिका लागि दाबेदार रहेका कांग्रेसका तीन शीर्ष नेताले महाधिवेशनलाई केन्द्रित गर्दै केन्द्रीय सदस्यहरुको बैठक बोलाउने निर्णय गरेका छन् । मंगलबार बिहान पूर्व महामन्त्री प्रकाशमान सिंह निवासमा बसेको बैठकले महाधिवेशन तयारी बारे केन्द्रीय समितिका सदस्यहरुको बैठक बोलाउने निर्णय गरेको हो । सिंह निवासमा उनीसहित उपसभापति विमलेन्द्र निधि र महामन्त्री डा. शशांक कोइराला बैठकमा बसेका थिए । उनीहरुबीचको यो तेस्रो बैठक हो । यसअघि निधि र कोइराला निवासमा बसिसकेका छन् । महाधिवेशनमा केन्द्रित हुँदै शुक्रबार कोइराला निवास टोखामा केन्द्रस्य सदस्यहरुको भेला बोलाउने निर्णय भएको पूर्व महामन्त्री सिंहले जानकारी दिए । नेताहरू रामचन्द्र पौडेल र कृष्ण सिटौलासँग पनि छुट्टै छलफल गर्ने निष्कर्षका साथ नेताहरू उठेका छन् । साथै १३ औं महाधिवेशनमा नेतृत्वका आकांक्षीहरूसँग पनि छलफल थाल्ने बताइएको छ । यस्तै सभापति शेरबहादुर देउवाले पुनः नेतृत्वमा दावी गरेपछि दोस्रो तहका नेताहरु फरक धारबाट नेतृत्वमा जाने तयारीमा जुटेका हुन् ।
ताजा अपडेट
-
एकैदिन अदालतका महत्वपूर्ण फैसला, आलमलाई जन्मकैद, टोपबहादुरलाई जेल
-
नेताको सेवामा खटिएका सुरक्षाकर्मीको तलब रोक्का हुने
-
वाइवाइ चाउचाउमा क्यान्सर हुने एसिड उच्च, बालेनद्वारा दुई लाख जरिवाना
-
शिक्षालाई व्यवसायसँग जोड्न हामी कहाँ चुक्यौं ?
-
यस वर्ष ‘लु’ बाट थाइल्यान्डमा ३० जनाको मृत्यु, तातो मौसमको चेतावनी जारी
प्रतिक्रिया