अमेरिकी राजदूतले भने : एमसिसीबारे खुला बहस गर्न तयार छु, हिंसा मानिँदैन
काठमाडौं । नेपालका लागि अमेरिकी राजदूत ¥यान्डी बेरीले आफ्नो देशको परियोजना मिलेनियम च्यालेन्ज कर्पोरेसन (एमसिसी)का सम्बन्धमा हिंसा वा हिंसा भड्काउने किसिमका विचार नस्वीकार्ने बताएका छन् । उनले आज ट्विटरमार्फत यस्तो बताएका छन् ।
एमसिसीको विषयलाई लिएर खुला बहसको समर्थक रहेको स्पष्ट पार्दै राजदूत बेरीले लोकतन्त्रमा सबैलाई शान्तिपूर्ण तरिकाले धारणा राख्ने छुट भएको बताएका छन् ।
‘हामी वाक स्वतन्त्रता र तथ्यमा आधारित खुला बहसको बलियो समर्थक हौं’, शुक्रबार दूतावासको आधिकारिक अकाउन्टबाट एक ट्वीट गर्दै उनले भनेका छन् ।
राजदूत बेरीले एमसिसीको बिषयमा आफूहरूको धारणा यही भएको बताएका छन् ।
‘लोकतन्त्रमा आफ्नो विचार व्यक्त गर्न पाउनु नैसर्गिक अधिकार हो । सबैलाई आफ्नो धारणा शान्तिपूर्वक राख्न छुट हुनुपर्छ,’ उनले भनेका छन्, ‘तर हिंसा या हिंसा भड्काउने किसिमका विचार स्वीकार्य हुँदैनन् ।’
आजै मात्र चिनियाँ विदेश मन्त्रालयका प्रवक्ता वाङ वेनबिनले चीनले एमसिसीबारे अमेरिकाको धम्कीपूर्ण कूटनीतिको विरोध गर्ने बताएका थिए ।
एमसिसी विवादमा चीन पनि : अमेरिकालाई भन्यो, ‘धम्कीपूर्ण कूटनीतिको विरोध गर्छौं’
ताजा अपडेट
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
-
मन्त्रिहरुको सम्पत्ति सार्वजनिक गर्नेसहित यस्ता छन् मन्त्रिपरिषद्का १८ निर्णय
-
छोराको हत्या गर्ने महिला पक्राउ
-
फाष्ट ट्रयाक सडक आयोजनामा सुरुङमार्गको ‘ब्रेकथ्रु’
प्रतिक्रिया