काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले छोरी र ज्वाइँदेखि स्वकीय सचिवसम्मलाई मनोनित केन्द्रीय सदस्यको नाम प्रस्ताव गरेका छन् ।

सोमबार जारी केन्द्रीय कमिटी बैठकमा प्रचण्डले छोरी गंगा दाहाल र ज्वाइँ जीवन आचार्यलाई केन्द्रीय सदस्यमा प्रस्ताव गरेका हुन् । गंगा खस–आर्य महिलातर्फ र जीवन युवातर्फबाट केन्द्रीय सदस्यमा प्रस्ताव गरेका छन् । गंगा प्रचण्डकी कान्छी छोरी हुन् ।

प्रचण्डकी माइली छोरी रेणु दाहाल पहिले नै केन्द्रीय सदस्य भइसकेकी छिन् । उनी भरतपुर नगरपालिकाकी मेयरसमेत हुन् ।

त्यस्तै, प्रचण्डका स्वकीय सचिव रमेश मल्लसमेत प्रस्तावित केन्द्रीय सदस्य छन् । साथै उनले वाइसिएल अध्यक्ष सुमन देवकोटालाई पनि केन्द्रीय सदस्यमा प्रस्ताव गरेका छन् ।

माओवादी केन्द्रले मनोनितमा प्रस्ताव गरेका केन्द्रीय सदस्यको नामावली यस्तो छ