NepalWatch

News Portal For Eeverything In Nepal from Nepal

२०८० चैत १६ गते

रुस र युक्रेनका क्लबमा खेल्ने विदेशी खेलाडीले सम्झौता रद्द गर्न पाउने

काठमाडौंं । छिमेकी देश युक्रेनमाथि आक्रमण गरेपछि रुसले फुटबलमा मंहंगो मूल्य चुकाउनु परेको छ । सोही आक्रमणलाई निउँ बनाएर फुटबलको सर्वोच्च निकाय विश्व फुटबल महासंघ (फिफा)ले रुसलाई कतार विश्वकप छनोटबाट निस्काशित गरेको छ ।

युद्धको असर युक्रेनी फुटबललाई नपर्ने कुरै भएन । त्यहाँ पनि अहिले फुटबल गतिविधि बन्द भएका छन् । स्वयम् युक्रेनी खेलाडीसमेत युद्धमा होमिएका छन् ।

यसैबीच, फिफाले रुस र युक्रेनका क्लबहरूमा आवद्ध विदेशी खेलाडी तथा प्रशिक्षकले अस्थायीरुपमा सम्झौता टुंग्याउन सक्ने सुविधा दिएको छ ।

फिफाले रुस र युक्रेनमा रहेका विदेशी खेलाडी तथा प्रशिक्षकले सम्झौता अन्त्य गरेर अन्यत्र जान पाउने जनाएको हो ।

तर यो प्रावधान भने सिजनको अन्त्य अर्थात जुन ३० सम्मका लागि मात्र लागू हुने बताइएको छ ।

अन्य देशका क्लबहरूलाई रुस तथा युक्रेनमा खेलिरहेका विदेशी खेलाडीमध्ये दुई जनालाई अनुबन्धन गर्न पाउनेसमेत फिफाले निमय बनाएको छ ।

वेल्स र अष्ट्रियाबीचको खेल निर्धारित मितिमै