गर्मी होस् या जाडो मौसम, सुख्खा छालाको समस्या ठूलो चिन्ता हो । पानीको कमीका कारण छालामा गम्भीर असर पर्छ । यसले छालाको बाहिरी सतह बिग्रिन थाल्छ । यस्तो अवस्थामा बिना मस्चराइजर हिँड्न सकिँदैन । मस्चराइजर लगाए पनि धेरै समय टिक्न सक्दैन । यसकारण छाला स्वस्थ राख्न तपाई घरेलु सामाग्री प्रयाेग गर्न सक्नुहुन्छ ।

१) घिउकुमारीको जेल
एलोभेरा जेलको प्रयोग छालाका लागि निकै राम्रो मानिन्छ । आजभोली धेरै सौन्दर्य सामाग्रीमा घिउकुमारीको जेल मिसाइएको हुन्छ । घिउकुमारीबाट छालाको सुख्खापन हराउँछ र छाला नरम हुन्छ । घिउकुमारीमा हिलिङ र एन्टी इन्फ्लेमेटरी गुण हुन्छ । घिउकुमारीको ताजा जेलले अनुहार मसाज गर्ने हो भने ‘ड्राइनेस’ हराउँछ ।

२) नरिवलको तेल
नरिवलको तेल कपालका लागि मात्र होइन, छालाको लागि पनि वरदान मानिन्छ । यसमा हेल्दी फ्याटी एसिड हुन्छ । जसका कारण छाला नरम हुन्छ । नरिवल तेलको विकल्पका रुपमा बेबी आयल वा भेजिटेबल आयल पनि प्रयोग गर्न सकिन्छ । नरिवल तेल दिनमा दुईपटक भन्दा लगाउनु उपयुक्त हुन्छ ।

३) ओलिभ तेल
ओलिभ तेलमा मस्चराइजिङ गुण हुन्छ । यसबाट छालालाई पोषण प्राप्त हुन्छ । यसबारे भएका शोधअनुसार सुख्खा छालाका कारण हुने एलर्जीबाट पनि राहत मिल्छ ।

४) बदाम तेल
बदाम तेल धेरै लामो समयदेखि प्रयोग हुँदै आएको छ । बदामको तेलले पनि छाला नरम बनाउँछ । यसमा जेरेनियम एसेन्सियल आयल पनि मिसाएर लगाउन सकिन्छ । यो हरेक साँझ सुत्नुभन्दा पहिला लगाउनुपर्छ ।

५) भिटामिन ई
भिटामिन ईले छालामा निकै सुधार ल्याउँछ । यसमा एन्टिअक्सिडेन्ट धेरै हुन्छ । छालासँग सम्बन्धित धेरै समस्याका लागि भिटामिन ई प्रभावकारी छ । साथै बढ्दो उमेरका कारण हुने चाउरीपन पनि यसले नियन्त्रण गर्न सक्छ ।