युक्रेनी प्रदर्शनकारीमाथि रुसी सेनाले गोली चलायो
काठमाडौं । युक्रेनको सहर खेरसोन रुसी सेनाले कब्जा गरिसकेको छ । तर त्यहाँ युक्रेनी प्रदर्शनकारीका सामना गर्नु परेको छ । मिडिया रिपोर्टका अनुसार रुसी सेनाले प्रदर्शनकारीलाई तितर बितर बनाउनका लागि गोली चलाएका छन् ।
सामाजिक सञ्जालमा भाइरल भएको फुटेजमा रुसी सेनाको विरोध गर्न सहरको चौरमा जम्मा भएका प्रदर्शनकारी यता उता भागिरहेको देखिन्छ । साथै अटोमेटिक बन्दुकबाट गोली चलिरहेको आवाज पनि सुनिन्छ ।
केही रिपोर्टअनुसार प्रदर्शनकारीविरुद्ध स्टन ग्रेनेड पनि प्रयोग गरिएको थियो । गोली प्रहारबाट केही प्रदर्शनकारी घाइते भएका छन् । रुसी सेनाले खेरसोन सहर मार्चको सुरुवातमा नै कब्जा गरिसकेको थियो । यसपछि त्यहाँ लगातार युक्रेनीहरुले प्रदर्शन गरिरहेका छन् ।
युक्रेनमाथि रुसले आक्रमण सुरु गरेको २६ दिन भइसकेकोछ । रुसी सेनाले अहिलेसम्म कब्जा गरेको युक्रेनी सहरमध्ये खेरसोन सबैभन्दा ठूलो हो । रुसी सेना राजधानी किएभ कब्जा गर्न प्रयास गरिरहेको छ भने युक्रेनी सेनाले पनि भरपुर बल लगाएर प्रतिरोध गरिरहेको छ ।
ताजा अपडेट
-
एकैदिन अदालतका महत्वपूर्ण फैसला, आलमलाई जन्मकैद, टोपबहादुरलाई जेल
-
नेताको सेवामा खटिएका सुरक्षाकर्मीको तलब रोक्का हुने
-
वाइवाइ चाउचाउमा क्यान्सर हुने एसिड उच्च, बालेनद्वारा दुई लाख जरिवाना
-
शिक्षालाई व्यवसायसँग जोड्न हामी कहाँ चुक्यौं ?
-
यस वर्ष ‘लु’ बाट थाइल्यान्डमा ३० जनाको मृत्यु, तातो मौसमको चेतावनी जारी
प्रतिक्रिया