काठमाडौं । संघीय राजधानी काठमाडौंबाट आज प्रकाशित दैनिक अखबारहरूले विविध विषय उठाएका छन् । चिनियाँ विदेश मन्त्रीले गर्न लागेको नेपाल भ्रमणलाई सबैजसो अखबारहरूले प्राथमिकतापूर्वक छापेका छन् । खासगरी भ्रमणको एजेण्डाबारे पत्रपत्रिकाले लेखेका छन् ।

यसबाहेक संवैधानिक निकायको नियुक्तिविरुद्ध सर्वोच्च अदालतले अन्तरिम आदेश दिन अस्वीकार गरेको, मिर्गौला बिरामीले डायलाइसिस गर्न झेलेको भुक्तमानलगायत विषयलाई पनि पत्रपत्रिकाले समाचारको रूप दिएर छापेका छन् ।