उम्मेदवार छान्नेबारे प्रचण्डले दिए मातहतका कमिटीलाई ६ बुँदे निर्देशन
काठमाडौं । नेकपा (माओवादी केन्द्र)ले आगामी स्थानीय तह निर्वाचनमा उम्मेदवारका लागि मापदण्ड कायम गरेको छ ।
अध्यक्ष पुष्पकमल दाहाल प्रचण्डले शुक्रबार पार्टी पंक्तिलाई परिपत्रमार्फत विशिष्ट परिस्थितिबाहेक पुराना जनप्रनिनिधिलाई नदोहो¥याउन परिपत्र जारी गरेका हुन् ।
उम्मेदवार छनोटका विषयमा ६ बुँदे मापदण्ड बनाउन निर्देशन गरेको केन्द्रीय कार्यालयका सचिव श्रीराम ढकालले जानकारी दिए ।
ढकालका अनुसार स्थानीय तहसम्म संयन्त्र बनाउने, गठबन्धन दलबाहेक अन्य दलसँग चुनावी तालमेल नहुने, गठबन्धनमा पाँचदलीय मुख्य नेताहरूको संयन्त्र बनाउने, संयन्त्रको सञ्चालन अध्यक्षले आलोपालो गर्ने गरी सहमति गर्ने भनिएको छ ।
‘पुराना प्रतिनिधिलाई नदोहो¥याउने गरी उम्मेदवार छनोट र सिफारिस गर्न अध्यक्षले मातहतका कमिटीलाई निर्देशन दिनुभएको छ’, उनले भने, ‘देश, जनता, पार्टी र क्रान्तिप्रति निष्ठावान भएका स्वच्छ छवि भएका लोकप्रिय उम्मेदवार छनोट र सिफारिस गर्न निर्देशन गरेका छन् ।’
बिहीबार प्रधानमन्त्री निवास बालुवाटारमा बसेको गठबन्धन दलको बैठकले केन्द्रदेखि स्थानीय तहसम्म संयन्त्र बनाएर जाने निर्णय भएको थियो ।
यस्ता छन् उम्मेदवार छनोट र सिफारिसका मापदण्ड :
१. विशेष परिस्थितिमा बाहेक सामान्यतया विगतका प्रतिनिधिलाई नदोहो¥याउने ।
२. देश, जनता, पार्टी र क्रान्तिप्रति निष्ठावान रहेको हुनुपर्ने ।
३. स्वच्छ छवि भएको हुनुपर्ने ।
४. विजयको सम्भावना भएको लोाकप्रिय व्यक्ति छनोटमा ध्यान दिने ।
५. पार्टी अनुशसानप्रति निष्ठावान हुनुपर्ने ।
६. समानुपातिक, समावेशी प्रतिनिधित्वका आधारलाई विशेष ध्यान दिने ।
ताजा अपडेट
-
पोखराको प्राइम सहकारीमा डेढ अर्ब हिनामिना, अध्यक्षसहित आठ पक्राउ
-
लागूऔषध मुद्दामा ७७ जना पक्राउ
-
‘प्रधानमन्त्री छोरी आत्मनिर्भर कार्यक्रम’ सञ्चालन गरिने
-
पाठेघर क्यान्सरविरुद्ध खोपलाई जिल्ला अस्पतालसम्म बिस्तार गरिने
-
सबै स्वास्थ्य क्षेत्रलाई स्वास्थ्य बीमामा अनिवार्य आवद्ध गरिने
प्रतिक्रिया