इंग्ल्याण्ड र नेदरल्याण्ड्सलाई सजिलो
काठमाडौं । कतारमा यसै वर्ष हुन लागेको विश्वकप फुटबलको ड्र सार्वजनिक भएसँगै इंग्ल्याण्डले राहत महशुस गरेको छ ।
गएराति दोहामा भएको ड्रमा इंग्ल्याण्ड समूह बीमा परेको छ । इंग्ल्याण्डले तुलनात्मक कमजोर प्रतिद्धन्द्धी पाएको इंग्लिस फुटबल पण्डितहरूले विश्लेषण गरिहेका छन् । इंग्ल्याण्डको समूहमा इरान, अमेरिका र युरोपियन प्ले अफबाट आउने टोली वेल्स र स्कटल्याण्ड वा युक्रेनमध्ये एक छनोट हुनेछ ।
सन् १९६६ को विजेता इंग्ल्याण्ड फिफा वरीयताको पाँचौ स्थानमा रहँदै सिडेड टिममा परेको छ । उसका प्रतिद्धन्द्धीहरू फिफा वरीयतामा धेरै नै पछि छन् । इरान २१ औं स्थानमा छ भने १५ औँ स्थानमा रहेको छ । यस्तै प्ले अफबाट आउनेमध्ये वेल्स १८ औँ, युक्रेन २७ औँ र स्कटल्याण्ड ३९ स्थानमा छन् ।
यो वरीयता युरोकपको उपविजेता इंग्ल्याण्डको तुलनामा धेरै तल हो ।
अघिल्लो विश्वकप गुमाएको नेदरल्याण्ड्स पनि योपटक सहज समूहमा परेकाे विश्लेषण गरिएको छ ।
यस्तै, नेदरल्याण्ड्स समूह एमा छ । यो समूहमा आयोजक कतार, इक्वेडर र सेनेगल परेका छन् ।
आयोजकको रूपमा छनोट खेल्न नपरी आयोजकको रूपमा विश्वकपमा पुगेको कतार फिफा वरीयताको ५१ औँ स्थानमा छ । दक्षिण अमेरिकी देश इक्वेडर ४६ औँमा र अफ्रिकी देश सेनेगल २० औँ स्थानमा छ ।
सो समूहको विजेता बन्न नेदरल्याड्सलाई गाह्रो नपर्ने फुटबल पण्डितहरूको विश्लेषण छ ।
२०१० को विजेता स्पेन र ४ पटकको विजेता जर्मनी समूह चरणमै भिड्ने
ताजा अपडेट
-
एकैदिन अदालतका महत्वपूर्ण फैसला, आलमलाई जन्मकैद, टोपबहादुरलाई जेल
-
नेताको सेवामा खटिएका सुरक्षाकर्मीको तलब रोक्का हुने
-
वाइवाइ चाउचाउमा क्यान्सर हुने एसिड उच्च, बालेनद्वारा दुई लाख जरिवाना
-
शिक्षालाई व्यवसायसँग जोड्न हामी कहाँ चुक्यौं ?
-
यस वर्ष ‘लु’ बाट थाइल्यान्डमा ३० जनाको मृत्यु, तातो मौसमको चेतावनी जारी
प्रतिक्रिया