काठमाडौं । भौगोलिक हिसाबले फ्रान्स विश्वको ठूला देशमध्येमा ५० औं स्थानमा पर्छ । यसका कतिपय द्धीपहरु विश्वका विभिन्न भागमा फैलिएका छन् । यसकै कारण त्यहाँ १२ वटा टाइम जोन (समय क्षेत्र) छ । जुन विश्वमै सबैभन्दा धेरै टाइम जोन भएको देश मानिन्छ । टाइम जोनलाई स्थानीय समय पनि भन्न सकिन्छ ।

अमेरिका विशाल देश हो । त्यहाँ आधिकारिक रुपमा ९ वटा टाइम जोन छन् । तर दुई अनाधिकारिक टाइम जोन पनि छन् । रुसमा पनि ११ वटा टाइम जोन छन् । यी सबै सोभियत संघ टुक्रिएपछि सन् १९९२ मा बनाइएका हुन् । यसकारण यो देशमा एकै समयमा १० घण्टाको समय फरक पर्छ ।

हिउँले ढाकिने अन्टार्कटिका महादेशमा पनि १० वटा फरक-फरक स्थानीय समय छन् । भौगोलिक आकारमा सानो भए पनि बेलायतले पनि ९ वटा समय क्षेत्रको प्रयोग गर्छ । अष्ट्रेलियामा भने ८ वटा समय छन् । यसको एक क्षेत्रमा बिहान ५ बजेको हुन्छ भने अर्को क्षेत्रमा ११ बजिसकेको हुन्छ ।

क्यानडामा ६ वटा, डेनमार्कमा ५ वटा टाइम जोन छन् । धेरै द्धीप भएको देश न्युजिल्यान्डले पनि ५ वटा स्थानीय समय बनाएको छ । यो देशभित्र विभिन्न स्थानमा एक घण्टा समयको फरक पर्छ ।