NepalWatch

News Portal For Eeverything In Nepal from Nepal

२०८० चैत १५ गते

वार्ता टोलीका संयोजकले भने, ‘रुससँगको वार्तामा युक्रेनको अडान कायमै छ’

सिन्ह्वा । रुसद्धारा युक्रेनमाथि भएको हमलाको विषयमा वार्ता गर्न गठित युक्रेनी वार्ता टोलीका संयोजकले युक्रेनले राखेका शर्तहरू कुनै पनि हालतमा परिवर्तन नहुने अडान राखेका छन् । उनले युक्रेनले रुससँग वार्ता गर्ने तर पनि आफूले यसअघि राख्दै आएका अडानका बारेमा कुनै परिवर्तन नहुने बताएका हुन् ।

रुससँगको वार्ताका लागि युक्रेनद्धारा गठित युक्रेनी वार्ता टोलीका संयोजक डेभिड अरखमानियाले यस्तो धारणा राखेका हुन् । उनले मंगलबार ट्वीट गर्दै भनेका छन्, ‘हामी स्तानबुलमा भएका सम्झौताहरुका बारेमा अडिग छौँ र हामी त्यसमा कुनै परिवर्तन गर्ने पक्षमा छैनौँ ।’

अहिले रुसका पक्षबाट विभिन्न शर्त आएका र स्तानबुल सम्झौताको पनि अलग्गै व्याख्या गर्न खोजिएको पाइएकाले यदि त्यस्तो भयो भने त्यसले उक्त सम्झौतासमेत भंग हुने त्रास रहेको पनि उनले बताए ।

युक्रेन पहिल्यैदेखि आफ्ना अडानहरूमा स्पष्ट रहेको र अहिले आएर ती सम्झौताहरुलाई फेरबदल गर्ने पक्षमा नरहेको यनले बताएका छन् ।