काठमाडौं । फुटबलमा रुसमाथि थप प्रतिबन्ध लागेको छ । युरोपियन फुटबलको सर्वोच्च निकाय युइएफएले महिला युरो–२०२२ मा रुसमाथि प्रतिबन्ध लगाएकाे हाे ।

यस्तै युरोकप फुटबल २०२८ र २०३२ को आयोजनाका लागि रुसले पेश गरेको दाबीलाई समेत युइएफएले अयोग्य ठहर्याएको छ ।

यसअघि विश्व फुटबल महासंघ (फिफा)ले रुसको पुरुष राष्ट्रिय टोली र क्लबमाथि थप प्रतिबन्ध गरिसकेको थियो ।

रुसले छिमेकी देश युक्रेनमाथि आक्रमण गरेको भन्दै फुटबलमा समेत प्रतिबन्ध लगाइएको हो ।