न्यूजर्सी । अमेरिकाको न्यूजर्सीमा मोटरसाइकल दुर्घटनामा एक नेपाली युवकको मृत्यु भएको छ । दुर्घटनामा २९ वर्षका पृथ्वी लम्सालको बुधबार उपचारको क्रममा मृत्यु भएको हो ।

शनिबार दुर्घटनामा परेका घाइते लम्सालको कुपर अस्पतालमा उपचारका क्रममा मृत्यु भएको हो । लम्साल मासाचुसेट्सको नर्थ इस्टर्न युनिभर्सिटीबाट ग्रयाजुएट भएर कामको सिलसिलामा विगत एक डेढ वर्षदेखि भर्जिनिया बस्दै आएका थिए ।

न्युयोर्कमा साथी भेटेर भर्जिनिया फर्कने क्रममा दुर्घटना परेका थिए । उनको शव नेपाल पठाउन गो फन्ड मीमार्फत् आर्थिक संकलन गरिएको छ ।