क्युवाको चर्चित पाँचतारे होटलमा ग्यास विस्फोट हुँदा २२ को मृत्यु
काठमाडौं । क्युवाको पाँचतारे होटलमा भएको भीषण विष्फोटमा परी कम्तीमा २२ जनाको मृत्यु भएको छ भने ६० भन्दा बढी घाइते भएका छन् ।
स्थानीय अधिकारीका अनुसार पुरानो हवानाको सारातोगा होटलमा शुक्रबार भीषण विस्फोट भएको थियो । यसको पछाडि ग्यास चुहावट भएको बताइएको छ । महामारीका बेला बन्द गरिएको होटल ऐतिहासिक महत्वको पाँच तले भवनमा थियो । होटल अबको चार दिनमा खोल्ने तयारी गरिएको थियो ।
दुर्घटनाका कारण भवन पुरै भत्किएको र हेर्दा भग्नावशेषजस्तै देखिन्छ । होटलको अधिकांश बाहिरी पर्खालमा क्षति पुगेको छ ।
भग्नावशेषमा फसेका मानिसहरुको उद्दारका लागि राहत तथा उद्धार कार्य जारी रहेको छ । दुर्घटनामा ६० जनाभन्दा बढी घाइते भएका छन्, जसलाई उपचारका लागि नजिकका अस्पतालमा भर्ना गरिएको छ ।
क्युवाली राष्ट्रपतिले मृत्यु हुनेमा एक गर्भवती महिला र एक बच्चा पनि रहेको बताए । होटलबाट एक ब्लक टाढा बस्दै आएकी एक महिलाले विस्फोट भयानक भएकोले भूकम्प गएको जस्तो अनुभूति भएको बताइन् ।
विस्फोटपछि आकाशमा कालो धुवाँ उडेको र केही पनि नदेखिएको प्रत्यक्षदर्शीले बताएका छन् । होटल पछाडि रहेको विद्यालयमा भने कुनै क्षति नपुगेको बताइएको छ । स्थानीय अधिकारीहरूले सबै बालबालिकालाई विद्यालयबाट सुरक्षित रूपमा बाहिर निकालिएको पुष्टि गरेका छन् ।
ताजा अपडेट
-
एकैदिन अदालतका महत्वपूर्ण फैसला, आलमलाई जन्मकैद, टोपबहादुरलाई जेल
-
नेताको सेवामा खटिएका सुरक्षाकर्मीको तलब रोक्का हुने
-
वाइवाइ चाउचाउमा क्यान्सर हुने एसिड उच्च, बालेनद्वारा दुई लाख जरिवाना
-
शिक्षालाई व्यवसायसँग जोड्न हामी कहाँ चुक्यौं ?
-
यस वर्ष ‘लु’ बाट थाइल्यान्डमा ३० जनाको मृत्यु, तातो मौसमको चेतावनी जारी
प्रतिक्रिया