NepalWatch

News Portal For Eeverything In Nepal from Nepal

२०८० चैत १६ गते

प्राइम, युनियन र गुँरासबीच मर्जरका लागि सम्झौता

काठमाडाैं । प्राइम लाइफ, युनियन लाइफ र गुँरास लाइफ इन्स्योरेन्सबीच मर्जरको लागि  सम्झौता भएको छ । बिहीबार यी तीन कम्पनीबीच मर्जरका लागि सम्झौता भएको हो ।

बीमा समितिले चुक्तापुँजी ५ अर्ब रुपैयाँ पुर्याएपछि यी तीन कम्पनी मर्जरमा जान लागेको हो ।  तीन वटै बीमा कम्पनी गाभिएपछि १:१ अनुपातमा गाभिए भने कुल चुक्तापुँजी ७ अर्ब १ करोड ३८ लाख ६६ हजार रुपैयाँ पुग्ने छ ।

चालु आवको चैत मसान्तसम्म प्राइम लाइफ इन्स्योरेन्सको चुक्ता पुँजी २ अर्ब ७७ करोड ९६ लाख १६ हजार रुपैयाँ रहेको छ । यस्तै युनियन लाइफको २ अर्ब १५ करोड र गुँरास लाइफको २ अर्ब ८ करोड ४२ लाख ५० हजार रुपैयाँ रहेको छ ।

चालु आवको तेस्रो त्रैमासमा आइपुग्दा प्राइम लाइफ इन्स्योरेन्सको नाफा १८ करोड ९५ लाख ४३ हजार रुपैयाँ रहेको छ । नौ महिनाको अवधिमा कम्पनीको जीवन बीमा कोषमा १७ अर्ब ६३ करोड ११ लाख ३७ हजार रूपैयाँ रहेको छ ।