NepalWatch

News Portal For Eeverything In Nepal from Nepal

२०७९ जेठ ३ गते

काभ्रेको पाँचखालमा मतदानस्थल नै तोडफोड

काठमाडौं । मतदान अधिकृतले धाँधली गरेको भन्दै काभ्रेको पाँचखाल नगरपालिकामा तनावको स्थिति सिर्जना भएको छ ।

पाँचखाल १३ को श्रीराम मावि केन्द्रमा मतदान अधिकृतबाटै धाँधली भएको भन्दै आक्रोशित समूहले मतदानस्थलमा तोडफोड गरेका हुन् ।

मतपेटिकासहित निर्वाचन सामग्री, टेबल, कुर्सीसहितका सामग्री तोडफोड गरिएपछि मतदान स्थगित भएको छ ।

मतदान अधिकृतले एमाले निकटकालाई १० वटा मतपत्र दिएको भन्दै सत्तारुढ दलका कार्यकर्ताले मतदानस्थलमा तोडफोड गरेका हुन् ।

काभ्रेका प्रहरी प्रमुख एसपी चक्रराज जोशीका अनुसार मतपत्रको विषयले मतदानस्थलमा झडपको स्थिति उत्पन्न भएको हो ।

मतपेटिकासमेत तोडफोडको प्रयास भएपछि प्रहरीले उच्च सतर्कता देखाउँदै मतपेटिका सुरक्षित गरेको जनाएको छ ।