NepalWatch

News Portal For Eeverything In Nepal from Nepal

२०७९ असार १८ गते

बालेनबारे लाउरेको प्रतिक्रिया : मेरा मितज्यूले बबालै गरे

काठमाडौं । काठमाडौं महानगरपालिकाको मेयरमा र्‍यापर बालेन शाहको जित सुनिश्चित भइरहेका अर्का र्‍यापर लाउरे (आशिष राना)ले प्रतिक्रिया दिएका छन् ।

लाउरेले नेपाली हिपहपमा लागेकामध्ये बालेनले पाएको उपलब्धि गर्व गर्न लायक रहेको बताएका छन् ।

‘काठमाडौंमा उठेको मेरो मितज्यू बालेनले चाहिँ बबालै गर्यो हैन त ! सबैको मन जित्यो अनि नेपाली हिपहपको क्षेत्रमा र मेरो जीवनको दौरानमा साथीहरूले गरेका काममध्ये अहिले बालेनले गरेको चाहिँ एउटा गर्व गर्न लायक भयो मलाई’, उनले भनेका छन् ।

बालेनसँग तर्कमात्र नभएर प्राविधिक ज्ञानसमेत रहेको बताउँदै लाउरेले प्रशंसा गरेका छन् ।

‘उसको भिजन एकदमै राम्रो छ, कुरा गर्ने तरिका पनि राम्रो छ । ब्याटल र्‍यापर भइसकेपछि तर्क दिन त सकिहाल्छ उसले । त्यस्तै प्राविधिक रुपमा पनि राम्रो ज्ञान भएको मान्छे । सिति–मिति सानोतिनो कुरामा हार नमान्ने र जहिले पनि अगाडि बढिराख्नु पर्ने भनेर धारणा राख्ने मान्छे हो उ !’, उनले भनेका छन् ।

बालेन र लाउरे दुवै दक्ष र्‍यापर मानिन्छन् । सन् २०१४ मा यी दुईले र्‍याप ब्याटलमा भाग लिएका थिए । तर, दुईबीच भने ब्याटल हुन पाएन । फ्यानहरूले यी दुईबीचको ब्याटलको माग गरे । तर, त्यो कहिल्यै हुन सकेन ।