अन्तिमपटक घोडेपानीमा रिपोर्ट भएको थियो ताराको जहाज, रेस्क्यूका लागि हेलिकाेप्टर पठाइयाे
काठमाडौं । विहान ९ बजेर ५५ मिनेटमा पोखराबाट जोमसोमका लागि उडेको तारा एयरलाइन्सको जहाज अन्तिम पटक घोडेपानीमा रिपोर्ट भएको जनाइएको छ ।
त्रिभुवन अन्तर्राष्ट्रिय विमानस्थलका प्रवक्ता टेकनाथ सिटौलाका अनुसार ताराको ९ एनएईटी कलसाइनको जहाज अन्तिम पटक घोडेपानीमा रिपोर्ट भएको थियो ।
सिटौलाका अनुसार हाल प्राधिकरणले रेस्क्यूका लागि घोडेपानीमा फिसटेल एयरको हेलिकोप्टर पठाएको छ ।
मुस्ताङका प्रमुख जिल्ला अधिकारी नेत्रप्रसाद शर्माले हराएको विमानबारे अहिलेसम्म कुनै जानकारी प्राप्त नभएको नेपालवाचलाई बताए ।
‘हराएको विमानबारे अहिलेसम्म केही पत्तो लागेको छैन । हामी सोधीखोजी गरिरहेका छौं,’ उनले भने ।
१९ यात्रु सवार जहाज क्याप्टेन प्रभाकर घिमिरेले उडाएका हुन् । जसमा चार भारतीय, दुई अन्य देशका विदेशी र १३ नेपाली सवार छन् ।
ताजा अपडेट
-
एकैदिन अदालतका महत्वपूर्ण फैसला, आलमलाई जन्मकैद, टोपबहादुरलाई जेल
-
नेताको सेवामा खटिएका सुरक्षाकर्मीको तलब रोक्का हुने
-
वाइवाइ चाउचाउमा क्यान्सर हुने एसिड उच्च, बालेनद्वारा दुई लाख जरिवाना
-
शिक्षालाई व्यवसायसँग जोड्न हामी कहाँ चुक्यौं ?
-
यस वर्ष ‘लु’ बाट थाइल्यान्डमा ३० जनाको मृत्यु, तातो मौसमको चेतावनी जारी
प्रतिक्रिया