पाँच घण्टादेखि पृथ्वी राजमार्ग अवरुद्ध
काठमाडौं । पृथ्वी राजमार्ग पाँच घण्टादेखि अवरुद्ध भएको छ । धादिङको थाक्रे गाउँपालिका–१, सिम्लेमा ट्रकको ठक्करबाट अटो चालकको मृत्यु भएपछि स्थानीयले सडक अवरुद्ध पारेका हुन् ।
पीडित पक्षले क्षतिपूर्ति र ट्रक चालकलाई कारबाहीको माग राखेका छन् ।
पाँच घण्टादेखि स्थानीयले सवारी आवागमन रोक्दा पृथ्वी राजमार्गमा लामो जाम लागेको छ ।
काठमाडौंबाट गजुरीतर्फ आउँदै गरेको ना ६ ख १२७२ नंको ट्रकले विपरीत दिशाबाट जाँदै गरेको बागमती प्रदेश०३–००१ ह १८१७ नंम्बरको अटोलाई ठक्कर दिँदा अटो चालक नीलकण्ठ नगरपालिका–५, खाल्टे घर भई बेलकोटगढी निवासी ३५ वर्षीय कमल श्रेष्ठको घटनास्थलमै मृत्यु भएको प्रहरीले जनाएको छ ।
ठक्कर दिने ट्रक र चालकलाई नियन्त्रणमा लिइएको जिल्ला प्रहरी कार्यालय धादिङले जनाएको छ ।
ताजा अपडेट
-
एकैदिन अदालतका महत्वपूर्ण फैसला, आलमलाई जन्मकैद, टोपबहादुरलाई जेल
-
नेताको सेवामा खटिएका सुरक्षाकर्मीको तलब रोक्का हुने
-
वाइवाइ चाउचाउमा क्यान्सर हुने एसिड उच्च, बालेनद्वारा दुई लाख जरिवाना
-
शिक्षालाई व्यवसायसँग जोड्न हामी कहाँ चुक्यौं ?
-
यस वर्ष ‘लु’ बाट थाइल्यान्डमा ३० जनाको मृत्यु, तातो मौसमको चेतावनी जारी
प्रतिक्रिया