NepalWatch

News Portal For Eeverything In Nepal from Nepal

२०८० चैत १५ गते

७० वर्ष नाघेपछि राज्यका कुनै पनि निकायमा चुनाव लड्न नपाउने व्यवस्था गर्नुपर्छ : योगेश भट्टराई

काठमाडौं । नेकपा एमालेका सांसद योगेश भट्टराईले ७० वर्ष नाघेपछि राज्यका कुनै पनि निकायमा चुनाव लड्न नपाउने व्यवस्था गर्नुपर्ने बताएका छन् ।

चालु आर्थिक वर्षको विनियोजित बजेटमाथि मन्त्रालयगत छलफलमा बुधबार संसदमा भाग लिँदै भट्टराईले निर्वाचनमा भाग लिनेका लागि अनिवार्य अवकास व्यवस्था हुनुपर्ने बताएका हुन् ।

‘हामीले पेन्सनको कुरा गर्दा महत्वपूर्ण विषय निर्वाचनमा भाग लिने उम्मेदवारहरूको उमेरहद कायम गर्न भुल्नु हुँदैन । यसका लागि संविधान संशोधन गरिनुपर्छ ’, भट्टराईले भने, ‘कर्मचारीमा अनिवार्य अवकासको कुरा गर्छौं । ७० वर्ष नाघेपछि राज्यका कुनैपनि निकायमा चुनाव लड्न नपाउने व्यवस्था गर्नुपर्छ । र्‍याल–सिंगान चुहिएर काम गर्न नसक्ने मन्त्री प्रधानमन्त्री हामीलाई चाहिएको होइन ।’

त्यस्तै उनले नेपालीको औसत आयु ७५ वर्ष पुगेको भन्दै कर्मचारीको काम गर्ने उमेर ६५ वर्ष पु¥याउनुपर्ने बताएका छन् ।