NepalWatch

News Portal For Eeverything In Nepal from Nepal

२०७९ असार १२ गते

सुशान्त सिंह राजपूत प्रकरण : रिया र उनका भाइलाई पनि मुद्दा दायर

काठमाडौं । बलिउडका दिवंगत अभिनेता सुशान्त सिंह राजपूतको आत्महत्याको केस एकपटक फेरि चर्चामा आएको छ । भारतको नारकोटिक्स कन्ट्रोल ब्यूरो(एनसिबी) ले अभिनेत्री रिया चक्रवर्ती र उनका भाइ शौविक चक्रवर्तीसँगै अन्य केहीलाई पनि आरोपी ठहर गरेको छ ।

एनसिबीले हालै सबै आरोपीविरुद्ध विशेष अदालतमा ड्राफ्ट र्चाज फाइल गरेको छ । उनीहरूमाथि सुशान्त लागि ड्रग्स खरिद गरिदिएको आरोप लगाइएको छ ।

उक्त आरोपपत्रमा रिया र उनका भाइ शौविकले ड्रग्स सेवन गर्ने गरेको र उनीहरूले नै सशान्तलाई ड्रग्स किन्दिने गरेको जनाइएको छ ।

अभिनेता राजपूत सन् २०२० ज्न १४ मा आफ्नै फ्लाटमा मृत अवस्थामा फेला परेका थिए । त्यसपछि नै यो केसमा एनसिबीले छानबिन सुरु गरेको थियो र रिया चक्रवर्तीलाई पक्राउ गरेको थियो ।

लगभग एक महिनासम्म जेलमा बसेपछि रियालाई बम्बे उच्च अदालतले धरौटीमा रिहा गरेको थियो । भारतको सुप्रिम कोर्टको आदेश पछि यो केसलाई केन्द्रीय अनुसन्धान ब्यूरोले हेरिरहेको छ ।