NepalWatch

News Portal For Eeverything In Nepal from Nepal

२०७९ असार १२ गते

नेपाल वायुसेवा निगमको महाप्रबन्धकमा दीपु ज्वारचन

काठमाडौं । नेपाल वायुसेवा निगमको निमित्त महाप्रबन्धकमन वरिष्ठ क्याप्टेन दीपुराज ज्वारचन नियुक्त भएका छन् ।

सरकारले कार्यकारी अध्यक्ष युवराज अधिकारीलाई बर्खास्त गरेसँगै रिक्त रहेकेो कार्यकारी पदमा ज्वारचनलाई असार ६ गतेको मन्त्रिपरिषद्को निर्णयले अस्थायी नियुक्ति दिलाएको हो ।

ज्वारचनले हालै एयरबस ३२० को प्रशिक्षक पाइलटको जिम्मेवारी पाएका थिए । एक दशक भन्दा बढी समय निगममा गुजारिसकेका ज्वारचन हालैमात्रै अपरेशन निर्देशकको जिम्मेवारीबाट बाहिरिएका थिए ।

यसअघि उनले करिब दुई वर्ष अपरेशन निर्देशकको रूपमा काम गरिसकेका छन् । ज्वारचनको सपरिवार नै निगममा आबद्ध छन् । उनका बुबा यामप्रसाद ज्वार्चन निगमका क्याप्टेन हुन् भने आमा सुमिली ज्वार्चन वरिष्ठ उडान पर्यवेक्षक हुन् ।