सगरमाथा आरोहणपछि यस्तो भयो अभिनेत्री दीयाको अवस्था
काठमाडौं । अभिनेत्री दीया पुनले गत जेठ १३ गते सगरमाथा हिमालको सफलतापूर्वक आरोहण गरिन् । निर्मल पूर्जाको टोलीसँग सगरमाथाको चुचुरोमा पहिलोपटक उनले पाइला टेकेकी हुन् ।
तीनवटा सामाजिक संस्थाको च्यारिटीका लागि सगरमाथा चढेकी दीयाले चुचुरोमा राष्ट्रिय झन्डा फहराएकी थिइन् ।
सगरमाथा आरोहणबाट फर्किएपछि दीयाले बिहीबार सामाजिक सञ्जाल फेसबुकमा एक तस्बिर सार्वजनिक गरेकी छिन् । उनले तस्बिरसँगै सगरमाथा चढ्दा निद्राको कमी, निर्जलीकरण, हावा र घामका कारण आँखा रातो भएको उल्लेख गरेकी छिन् ।
उनले लेखेकी छिन्, ‘छाला राता र सुख्खा भएका छन् । क्याम्प-२ भन्दा माथि लागेपछि मैले आँखा र छालालाई जोगाउन भरपुर प्रयास गरें । म घामले नराम्रोसँग डढेकी छु, अरु फोटो पनि अपलोड गर्नेछु । मैले अन्तिमपटक नुहाएको पनि बिर्सिएँ । तर यी सबै कठिनाइका बाबजुद पनि तपाईं मेरो आँखामा हेर्नुहुन्छ, म हिमाल चढ्नुको आनन्द महसुस गर्नुहुन्छ ।’
बेलायतमा नर्सको रुपमा कार्यरत अभिनेत्री पुन गत चैतमा सगरमाथा आरोहणका लागि नेपाल आएकी थिइन् ।
ताजा अपडेट
-
विज्ञान र प्रविधिको क्षेत्रमा पहुँच पुर्याउने शिक्षा अध्यापन गराउनुपर्छ : पूर्वराष्ट्रपति भण्डारी
-
शुक्लाफाँटामा बाह्रसिङ्गाको गणना हुँदै
-
सहसचिव धनीराम शर्माको नेतृत्वमा बजेट लेखन समिति गठन, को-को छन् समितिमा ?
-
अवैध आयात र दक्षजनशक्ति अभावले सङ्कटमा बेकरी उद्योग
-
क्रिप्टो संस्थापक ब्याङ्म्यान–फ्राइडलाई २५ वर्ष जेल सजाय
प्रतिक्रिया