मनमैजुमा झुण्डिएको अवस्थामा मजदुर मृत फेला
काठमाडौं । काठमाडौंको तारकेश्वर नगरपालिकामा झुण्डिएको अवस्थामा एक व्यक्ति मृत फेला परेका छन् ।
तारकेश्वर नगरपालिका–९, मनमैजुस्थित शुभकामना चोकबाट भित्र रूखमा झुण्डिएको अवस्थामा बिहीबार बिहान सञ्जीव मगर मृत फेला परेका हुन् ।
प्रहरी वृत्त बालाजुका डिएसपी, गौतम मिश्रले अन्दाजी २५ वर्षीय मगरको शव झुण्डिएको अवस्थामा फेला परेको नेपालवाचलाई जानकारी दिए ।
मृतक मगर त्यही क्षेत्रमा रङ लगाउने मजदुर हुन् । उनको स्थायी ठेगानाबारे भने खुलिनसकेको डिएसपी मिश्रले बताए ।
प्रहरीले शव नियन्त्रणमा लिएर पोस्ट्मार्टमका लागि त्रिवि शिक्षण अस्पताल महाराजगञ्ज लगेको छ ।
डिएसपी गौतमले पोस्ट्मार्टम रिपोर्टपछि मात्रै घटनाबारे बताउन सकिने बताए ।
‘झुण्डिएको अवस्था भेटिएको शव नियन्त्रणमा लिएर हामीले पोस्टमार्टमका लागि अस्पताल पठाएका छौं । त्यसको रिपोर्ट आएपछि मात्रै आत्महत्या या हत्या के हो बताउन सक्छौं,’ उनले भने ।
तारकेश्वर नगरपालिकाभित्र एक साताको बीचमा भएको यो दोस्रो घटना हो । यसअघि गत शनिबार तारकेश्वर नगरपालिका–११ नेपालटारमा गायिक दिलमाया सुनार आफ्नै डेरामा मृत फेला परेकी थिइन् । हत्या लगत्तै एक पुरुष पक्राउ गरेर प्रहरीले अनुसन्धान गरेकोमा पोस्ट्मार्टम रिपोर्टमा उनले आत्महत्या गरेको पुष्टि भएको थियो ।
ताजा अपडेट
-
गृहमन्त्रीको एक्सनः कांग्रेस सांसद दीपक खड्काको रेष्टुरेन्ट र पार्टी प्यालेस सिल
-
सहसचिव तामाङ ५० हजार धरौटीमा छुटे
-
त्रिभुवन विमानस्थलको विमानमा एक किलो सुन भेटियो, तस्कर फरार !
-
सेटिङ मिलाएर घुस खाने प्रहरीलाई चार महिना कैद
-
छोटुलाल शर्माको इमान्दारीताः जसले बाटोमा भेटाएको १७ लाख प्रहरीलाई बुझाए
प्रतिक्रिया