काठमाडौं । महिला युरोपियन च्याम्पियनसिप (युरोकप) फुटबलमा आयोजक इंग्ल्यान्डले विजयी सुरुवात गरेको छ ।

म्यानचेस्टरस्थित ओल्ड ट्राफोर्डमा बुधबार राति भएको उद्घाटन खेलमा इंग्ल्यान्डले अष्ट्रियालाई १–० ले हराउँदै विजयी सुरुवात गरेको हो ।

बेथ मिडले २६ औँ मिनेटमा गरेको गोल नै निर्णायक बन्यो ।

समूह एमा रहेको इंग्ल्यान्डले जितसँगै ३ अंक जोडेको छ ।

पराजित अष्ट्रिया पुछारमा रहेको छ ।