श्रीलंकाका राष्ट्रपति राजपक्षद्वारा राजीनामा दिने घोषणा
काठमाडौं । श्रीलंकाका राष्ट्रपति गोटावय राजपक्षले राजीनामा दिने घोषणा गरेका छन् । प्रदर्शनकारीहरूले निजी निवासभित्र प्रवेश गरेर आगजनी गरेपछि उनले राजीनामा दिने घोषणा गरेका हुन् ।
श्रीलंकाली संसदका सभामुखले शान्तिपूर्ण रूपमा सत्ता हस्तान्तरणका लागि राष्ट्रपति गोटावयले राजीनामा दिन लागेको जानकारी गराएका छन् ।
अन्तर्राष्ट्रिय सञ्चारमाध्यमका अनुसार गोटावयले आगामी बुधबार पदबाट राजीनामा दिने घोषणा गरेका छन् । यसअघि नै त्यहाँका प्रधानमन्त्री रनिल विक्रमासिंगले राजीनामा दिन सहमत भइसकेका छन् ।
श्रीलंकाले ७० वर्षको इतिहासमै पहिलोपटक चरम आर्थिक संकट झेलेको छ । त्यहाँका नागरिकले खाद्यान्न, इन्धन र औषधिको चरम अभाव सामना गरिरहेका छन् ।
चरम् आर्थिक संकटबाट गुज्रिएपछि श्रीलंकामा राजनीतिक नेतृत्वको विरोधमा केही महिनादेखि लगातार प्रदर्शन भइरहेका छन् । राष्ट्रपति र प्रधानमन्त्री पदबाट हट्नुपर्ने उनीहरूको मुख्य माग छ । शनिबार चर्किएको प्रदर्शनमा पनि उनीहरूले सोही माग दोहोर्याएका थिए ।
राष्ट्रपति राजपक्षले प्रदर्शन चर्किएपछि सरकारी निवास छाडेका छन् । तर उनी अहिले कहाँ छन् भन्ने खुलेको छैन ।
राष्ट्रपतिले पदबाट राजीनामा दिने घोषणा गरेपछि प्रदर्शनकारीमाझ खुसीयाली छाएको छ । बिबिसीका अनुसार, उनीहरूले सडकमा आतसबाजी गरिरहेका छन् ।
ताजा अपडेट
-
गृहमन्त्रीको एक्सनः कांग्रेस सांसद दीपक खड्काको रेष्टुरेन्ट र पार्टी प्यालेस सिल
-
सहसचिव तामाङ ५० हजार धरौटीमा छुटे
-
त्रिभुवन विमानस्थलको विमानमा एक किलो सुन भेटियो, तस्कर फरार !
-
सेटिङ मिलाएर घुस खाने प्रहरीलाई चार महिना कैद
-
छोटुलाल शर्माको इमान्दारीताः जसले बाटोमा भेटाएको १७ लाख प्रहरीलाई बुझाए
प्रतिक्रिया