गगन र बालेनबीच चार विषयमा छलफल
काठमाडौं । नेपाली कांग्रेसका महामन्त्री गगन थापा र काठमाडौं महानगरपालिकाका प्रमुख बालेन शाहबीच भेटवार्ता भएको छ ।
आफूले प्रमुख शाहसँग बुधबार भेट गरेको महामन्त्री थापाले बिहीबार सामाजिक सञ्जालमार्फत जानकारी दिएका छन् ।
भेटमा काठमाडौंको फोहर–मैलाको व्यवस्थापन, सम्पदा संरक्षण, सार्वजनिक यातायात व्यवस्थापन, सहरी स्वास्थ्य सेवा लगायतका चार विषयमा अर्थपूर्ण छलफल भएको महामन्त्री थापाले बताएका छन् ।
उनले काठमाडौं महानगरको सकारात्मक पहलकदमीमा आफ्नो साथ निरन्तर रहनेसमेत प्रतिबद्धता जनाएका छन् ।
‘हिजो काठमाडौं महानगर प्रमुखज्यूसँग काठमाडौंको फोहोर–मैलाको व्यवस्थापन, सम्पदा संरक्षण, सार्वजनिक यातायात व्यवस्थापन, सहरी स्वास्थ्य सेवा लगायतका विषयमा अर्थपूर्ण छलफल भयो । काठमाडौं महानगरको सकारात्मक पहलकदमीमा मेरो निरन्तर साथ रहने छ,’ थापाले फेसबुकमा लेखेका छन् ।
सत्ता गठबन्धनबीच तालमेल भए पनि काठमाडौं ४ मा गगनलाई चुनाव जित्न कसरी हुँदैछ कठिन ?
प्रतिक्रिया