NepalWatch

News Portal For Eeverything In Nepal from Nepal

२०७९ भदौ २ गते

थप ९१२ जनामा कोरोना संक्रमण पुष्टि, १ जनाको मृत्‍यु

काठमाडाैं । पछिल्लो २४ घण्टामा थप ९१२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार २ हजार ९४१ जनाको पीसीआर परीक्षण गर्दा ५२९ जना र ३ हजार ५५० जनाको एन्टिजेन परीक्षण गर्दा ३८३ जनामा संक्रमण देखिएको हो ।

त्यस्तै आज कोरोनाबाट १ जनाको मृत्‍यु भएको छ । पछिल्लो २४ घण्टामा ३७० जना संक्रमणमुक्त भएका छन् ।

देशरभबर कोरोना सक्रिय संक्रमितको संख्या ५ हजार ७६० पुगेको छ । मन्त्रालयका अनुसार ५ हजार ५८७ जना होम आइसोलेसनमा रहेका छन् भने १७३ जना संस्थागत आइसोलेसन र ४२ जना आईसीयूमा छन् ।