NepalWatch

News Portal For Eeverything In Nepal from Nepal

२०८० चैत १५ गते

वरीयतामा राईले उछिने यादवलाई

काठमाडौं । जनता समाजवादी पार्टी (जसपा)को वरीयतामा अशोक राईले अध्यक्ष उपेन्द्र यादवलाई उछिनेका छन् । शुक्रबार केन्द्रीय कार्य समिति पुनर्गठन गर्दा संघीय परिषद् अध्यक्ष राईले अध्यक्ष यादवलाई उछिनेका हुन् ।

यसअघि राईको वरीयता वरिष्ठ नेताको रुपमा तेस्रो नम्बरमा रहेको थियो ।

नयाँ वरीयताअनसार राई पहिलो र यादव दोस्रोमा रहेको पार्टीका एक नेताले बताए । यसअघि डा. बाबुराम भट्टराईको वरीयता संघीय परिषद् अध्यक्षका रुपमा एक नम्बरमा थियो भने दोस्रो नम्बरमा अध्यक्ष यादवको थियो ।

डा. बाबुराम भट्टराई पार्टी छाडेर गइसकेपछि सो ठाउँमा राईलाई ल्याइएको छ ।

यसअघि वरिष्ठ नेता रहेका राजेन्द्र श्रेष्ठलाई कार्यकारिणी समितिमा राखिएको छ । वरिष्ठ नेताको पदमा भने अहिले कसैलाई राखिएको छैन ।

असार २९ गते बसेको वीरगञ्जमा बसेको केन्द्रीय समितिको बैठकले भट्टराईलाई पार्टीको संघीय परिषद्को अध्यक्षबाट हटाएर राईलाई मनोनयन गरिएको थियो ।

जसपाले रेणुलाई कार्यकारिणी समितिबाट हटायो