मिटरब्याजी श्याम परदेशीविरुद्ध तीन करोडभन्दा धेरै बिगो दाबी गर्दै मुद्दा दायर
काठमाडौं । सर्लाहीका मिटरब्याजी श्यामकृष्ण साह (श्याम परदेशी)विरुद्ध तीन करोडभन्दा धेरै बिगो दाबी गर्दै मुद्दा दायर भएको छ । उनी र उनकी पत्नी मञ्जुदेवी साहविरुद्ध तीन करोड २० लाख ९२ हजार ६ सय ५८ रूपैयाँ बिगो दाबी गर्दै मुद्दा दायर भएको हो ।
साह दम्पत्तिलाई प्रतिवादी बनाउँदै केही दिनअघि सम्पत्ति शुद्धीकरण विभागले विशेष अदालतमा मुद्दा दायर गरेको हो ।
सर्लाहीको कबिलासी नगरपालिका–२ स्थायी घर भएका परेदेशीसहित उनको परिवारले ४८ जना सर्वसाधारणलाई एक करोड एक लाख ९२ हजार रूपैयाँ ऋण लगानी गरेका थिए । पछि परदेशीले उनीहरूबाट एक करोड ५३ लाख ३१ हजार रूपैयाँ ब्याज लिएको विभागको दाबी छ ।
विभागका अनुसार परदेशीले आफूसहित श्रीमती, छोराछोरी, बुहारी र ज्वाइँलगायतका नामबाट ऋण लगानी गरेका थिए ।
ब्याज र सावाँसहित अन्य चलअचल सम्पत्ति जोडेर परेदेशीको परिवारविरुद्ध तीन करोड २० लाख ९२ हजार ६ सय ५८ रूपैयाँ बिगो दाबी गरिएको हो ।
परदेशीविरुद्ध ०७६ सालमै सर्लाही प्रहरीमा ठगीलगायतको मुद्दा दर्ता भएको थियो ।
ताजा अपडेट
-
एकैदिन अदालतका महत्वपूर्ण फैसला, आलमलाई जन्मकैद, टोपबहादुरलाई जेल
-
नेताको सेवामा खटिएका सुरक्षाकर्मीको तलब रोक्का हुने
-
वाइवाइ चाउचाउमा क्यान्सर हुने एसिड उच्च, बालेनद्वारा दुई लाख जरिवाना
-
शिक्षालाई व्यवसायसँग जोड्न हामी कहाँ चुक्यौं ?
-
यस वर्ष ‘लु’ बाट थाइल्यान्डमा ३० जनाको मृत्यु, तातो मौसमको चेतावनी जारी
प्रतिक्रिया